Eneo Bitri nuk është më lojtar i Partizanit. Ka qenë vetë mbrojtësi, që nëpërmjet një postimi në rrjetet sociale, ka njoftuar se është larguar nga të kuqtë. Futbollistit i përfundoi kontrata me “demat” dhe palët nuk arritën një marrëveshje për rinovimin. Në këtë situatë, Bitri mbyll aventurën me Partizanin, ku ai luante prej 3 vitesh dhe tashmë del lojtar i lirë.
Nga ana tjetër, po ditën e sotme, Partizani prezanton afrimin e parë në këtë merkato. Emiljano Musta, vishet zyrtarisht i kuq. Klubi ka njoftuar transferimin e mbrojtësit të majtë, i cili në sezonin e fundit ishte pjesë e Laçit në Kategorinë Superiore. Musta ka firmosur për dy sezone me kryeqytetasit dhe është një vlerë e shtuar për trajnerin Ilir Daja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
