Pjesë e Barcelonës prej 15 vitesh, Busquets do të largohet në fund të sezonit

Sergio Busquets ka vendosur të largohet nga skuadra e Barcelonës, pjesë e të cilëve është prej 15 vitesh.

Lojtari ia ka komunikuar vendimin klubit dhe ky do të jetë sezoni i fundit që do të luajë me katalanasit.

Busquets i skadon kontrata me Barcelonën më 30 qershor dhe ka vendosur të mos rinovojë, duke u larguar si lojtar i lirë.

Sipas mediave spanjolle, mesfushori e kishte menduar prej kohësh largimin, por vetëm këtë të martë ia ka komunikuar drejtuesve dhe pjesës tjetër të skuadrës, ndërsa pritet të ketë edhe një komunikim zyrtar.