Barcelona, ëndërron për Wirtz

Prej kohësh rendimenti i Florian Wirtz po i impresionon ekipet me emër.

Mesfushori është një ndër më të mirët e Bayer Leverkusenit, një ekip që po e sfidon Bayern Munchenin në Bundesligë dhe mund ta ndryshojë historinë e këtij kampionati në fundin e sezonit.

Për 20 vjeçarin Barcelona po lufton fort duke qenë se Xavi Hernandez, një ndër më të mirët në botë në këtë pozicion në të kaluarën e konsideron një vlerë të shtuar tek ekipi i zemrës.

Florian Wirtz gjithmonë e ka deklaruar se dëshiron që një të ardhme të afërt të provojë veten tek një gjigand europian dhe numri një i stolit të katalanasve tashmë i ka hapur dyert e ‘’ Camp Nout ‘’.

Duhet kujtuar se gjermani ka debutuar me 15 vite mbi supe në skuadrën e parë të Bayer Leverkusenit, por do të jetë i vështirë transferimi tek ‘’ Blaugranët ‘’ pasi klauzola e përcaktuar nga drejtuesit konsiderohet e papërballueshme nga xhepat e Joan Laportas.

9 gola dhe 17 asiste në 33 sfida janë statistikat e Florian Wirtz në sezonin aktual, shumë determinant në vijimësinë e Bayer Leverkusenit, në Gjermani dhe Europë.