Transferimi i Dusan Vlahovic tek Juventusi ka shkaktuar një entuziazëm total tek torinezët dhe sidomos tek Massimiliano Allegri . Italiani do të ketë një as nën mëngë në kohë të vështira , fakt të cilin e kemi hasur në shumë momente tek italianët duke iu referuar dy sezoneve të fundit por reagimi i tyre tashmë po i jep impaktet në mënyrë bombastike .
Serbi konsiderohet një ndër sulmuesit më produktivë në qarkullim dhe prej kohësh mendohej se e ardhmja do të ishte larg ‘’ Artemio Franchit ‘’, tek një skuadër që do ti jepte shansin për të fituar trofe kolektivë .
Destinacioni i 22 vjeçarit konsiderohet perfekt për arritjen e objektivave dhe ky operacion i ka kushtuar ‘’ Zonjës së Vjetër ‘’ 67 milionë euro plus 8 milionë bonuse , dhe 7 milionë të tjera që do të kalojnë në xhepat e golashënuesit pa anashkaluar as komisionet të cilat sipas portalit ‘ La Gazzetta dello Sport ‘’ mund të arrijnë 10 milionë eurot.
Kontrata e firmosur nga Dusan Vlahovic do ta mbajë të lidhur me Torinon deri në qershorin e 2026- tës, kohë e mjaftueshme për të treguar vlerat .
Gjithçka ka shkuar mbarë për sulmuesin e talentuar i cili e ka ndjekur me përpikmëri protokollin duke kaluar me sukses vizitat mjekësore dhe pritet që të dalë negativ në testin në lidhje me koronavirusin e më pas do të vihet në dispozicionin e Massimiliano Allegrit për të shkaktuar ndryshimin e pritur tek ish fituesit e Serisë A .
Një skuadër si Juventusi nuk parashikohet që të ngelë edhe për shumë kohë në prapavijë , fakt që është konfirmuar në të kaluarën dhe me një bomber si Dusan Vlahovic në majën e sulmit të gjithë kundërshtarët do të ndihen seriozisht të kërcënuar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
