Kupa e Amerikës po rinxjerr në pah potencialin e shumë lojtarëve.
Një ndër to është James Rodriguez, i cili është rikthyer në kohët e arta.
Mesfushori e ka ndihmuar Kolumbinë për të arritur deri në gjysëmfinale dhe menjëherë klubet kanë nisur ofensivën për ta blerë kartonin e tij.
Në Spanjë është Getafe ekipi që dëshiron ta ketë në dispozicion 32 vjeçarin, i cili e ka eksperiencën e mjaftueshme për të provuar përsëri veten në një kampionat si La Liga që e njeh mjaft mirë.
Në vitet e fundit, madrilenët kanë patur lloj progresi për sa i përket performancave dhe drejtuesit i kanë trokitur në derë liderit të kombëtares ‘’ Los Cafeteros ‘’.
Për James Rodriguez konsiderohet një shans që nuk të vjen shumë herë gjatë karrierës, duke iu referuar edhe moshës, kualiteti i të cilit është i padiskutueshëm.
Ishi i Evertonit e ka bërë krenar trainerin Nestor Lorenzo dhe pritet që në përfundimin e Kupës së Amerikës të marrë një vendim për të ardhmen dhe me rëndësi për tu përmendur është se me siguri pretendentët për shërbimet e tij do të shtohen me kalimin e kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
