Ish-mbrojtësi i Bayern Munich, Jerome Boateng, rrezikon të dënohet me 5 vite burg. Lojtari, që tashmë është pjesë e Lyon në Francë, akuzohet për dhunë ndaj ish të fejuarës së tij, Shenir Senler.
33-vjeçari është paraqitur ditën e sotme në Gjykatë, ku është përballur me akuzat dhe në rast se këto të fundit do të rezultojnë të vërteta atëherë futbollisti rrezikon deri në 5 vite burg. Boateng dhe Senler kanë dy fëmijë bashkë.
Avokatët e lojtarit vazhdimisht kanë pohuar se akuzat bazohen në pretendime të paprovuara nga një palë e tretë, megjithëse detajet mbeten të panjohura. Boateng ka mohuar të gjitha akuzat kundër tij, por ende mbetet për tu mësuar vendimi final i gjykatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
