Huazimi i Sergino Dest tek Psv Eindhoven me kalimin e sfidava po i bind drejtuesit e Barcelonës për ta shitur anësorin. Hollandezi asnjëherë nuk arriti të jetë protagonist tek “ Blaugranët “ dhe drejtuesit falë eksperiencës pozitive në “ Phillips Stadion “ po mendojnë shitjen e tij, për të mbushur sadopak arkat gjatë merkatos vijuese. Sigurisht ulje-ngritjet e shpeshta tek një ekip si Barcelona nuk tolerohen dhe niveli i shfaqur me Psv Eindhovenin deri në këtë moment mund të konsiderohet një avantazh për kuq e blutë, të cilët kanë kaluar jo pak vështirësi në lidhje me aspektin ekonomik gjatë viteve të fundit. Deri më tani mbrojtësi nga Almere numëron 8 sfida me gjigandët e Eredivisie dhe për pretendentët merkatoja vijuese do të jetë një periudhë përcaktuese me objektivin e përfitimit të shërbimeve të nxënësit të Peter Bosz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
