Përsëritje e ndeshjes dhe heqje pikësh, vendimet përfundimtare për sherrin në Nice-Marseille

Komisioni i Disiplinës në Francë, ka dhënë vendimet përfundimtare në lidhje me sherrin e ndodhru në ndeshjen mes Nice dhe Marseille.

Është vendosur që ndeshja të përsëritet në një fushë neutrale dhe do të fillojë 0-0. Sfida u ndërpre në minutën e 74-t me rezultatin 1-0 në favor të Nice për shkak se tifozët e skuadrës vendase pushtuan fushën për të sulmuar futbollistët miq. Gjithçka nisi pas një reagimi të Dimitri Payet i cili në momentet e zhvillimit të një goditjeje, një nga shumë shishet e ujit të hedhura në fushë nga tribuna ua kthehu mbrapsht me forcë tifozëve në “Allianz Riviera”. Kjo sjellje e Payet acaroi në maksimum tifozët e Nice të cilët zbritën në fushë për të sulmuar lojtarët e Marseille dhe u desh ndërhyrja e stjuartëve për të evituar një sherr masiv si dhe ajo e gjyqtarit që ndërpreu përfundimisht ndeshjen duke i dërguar dy skuadrat në dhomat e zhveshjes.

Për këtë në vendimin e dhënë nga Komisioni i Disiplinës, Nice është dënuar gjithashtu me heqjen e 1 pike në renditje dhe tashmë e shikojnë veten në vendin e pestë me 6 pikë.

Ndeshja do të luhet në një fushë neutrale, ku nuk do të lejohet prania e tifozëve. Një dënim i rëndë ky për Nice, që përveç se i hiqet goli i shënuar, tashmë i ulen edhe pikët në renditje.