Ndryshon vendimi për stadiumet në Itali, rritet numri i tifozëve që do të lejohen

Në Itali është vendosur që nga kjo fundjavë numri i tifozëve në shkallët e stadiumeve të rritet nga 50% në 70%.

Në mbledhjen e bërë ditën e djeshme, qeveria italiane ka miratuar planin, për të rritur numrin e tifozëve në ndeshje, por me rregull duhet të jenë të vaksinuar ose të kenë test negativ të Covid-19 në 24 orët e fundit.  

Tashmë mund të thuhet se futbolli në Itali po i rikthehet normalitet, pasi një sezon u luajt me dyer të mbyllura për tifozët dhe fillimi i këtij sezoni me vetëm 50%.

Sipas llogarive, në stadiumin e Milanit e Interit “San Siro” mund të jenë më shumë se 50 mijë tifozë, në Romë në “Olimpico” do të lejohen rreth 40 mijë, ndërsa në stadiumin e Juventusit do të jenë rreth 31 mijë.