Një aksident i frikshëm ka ndodhur në sesionin e dytë të provave të lira të Çmimit të Madh të Italisë në MotoGP.
Piloti italian Michele Pirro pësoi një aksident shumë të rëndë gjatë provave me motorin e tij.
Italiani me Ducati humbi kontrollin me 300 km/h dhe e fluturoi në ajër Pirron, i cili pasi u rrokullis disa herë në tokë, u përplas me muret mbrojtëse të pistës së Muxhelos.
Pas disa minutash në tokë, piloti u transportua në spital. Doktorët thonë se ka pësuar dëmtime të shumta, por fatmirësisht është jashtë rrezikut për jetën.
“Ka një tronditje në kokë, një dëmtim në gjoks, bark dhe ka nxjerrë shpatullën e djathtë”, ka thënë një doktor për mediat sportive italiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
