Vangjel Zguro pritet të rikthehet te Skënderbeu. MCN mëson se mbrojtësi i majtë, i cili në sezonin e fundit mbajti shiritin e kapitenit me bardhekuqtë, mund të rikthehet sërish në Korçë.
Pogradecarit i skadoi kontrata me Skënderbeun pas përfundimit të sezonit dhe e ardhmja e tij shihej në SHBA, ku ka luajtur edhe në të kaluarën, para se të kalonte te korçarët.
29-vjeçari ishte në bisedime me skuadrën e Detroit, por një marrëveshje nuk u arrit. Tashmë lojtari pritet të rikthehet te Skënderbeu, që këtë sezon militon në Kategorinë e Parë.
MCN zbulon se Zguro ka pasur bisedime me presidentin Ardjan Takaj, i cili është shfaqur i gatshëm për të plotësuar kushtet që lojtari të rikthehet në Korçë.
Te Skënderbeu, Zguro do të rigjejë edhe ish-trajnerin e tij, Migen Memelli, me të cilin punuan bashkë te juglindorët për më shumë se një vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
