Pas Kombëtares U-19, që u mposht në miqësore ndaj moshatarëve të Italisë me rezultatin 3-0, ditën e sotme ka qenë radha e Kombëtares U-18 të zbriste në fushë për miqësoren me Italinë U-18 që u luajt në qendrën e Koverçanos në vendin fqinj.
Miqësorja përfundoi me fitoren 3-0 të Italisë U-18. Kombëtarja shqiptare U-18 dhe Kombëtaren U-19 ndodheshin që prej datës 6 gusht në Itali për t’u përgatitur për miqësoret me bashkëmoshatarët e Italisë.
Trajneri i Kombëtares, Edoardo Reja dhe ndihmësi i tij Sergio Porrini ishin gjithashtu të pranishëm në stadiumin e Koverçanos për të ndjekur të rinjtë kuqezi në aksion në këtë miqësore luksi, ashtu siç ndoqën edhe përballjen e një dite më parë Itali U19-Shqipëri U19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
