Hektor Idrizaj nuk është më lojtar i Teutës. Klubi durrsak, në rrjetet sociale, ka njoftuar mbylljen e bashkëpunimit me futbollistin.
33-vjeçari ka dalë lojtar i lirë dhe pritet të vazhdojë karrierën në Kategorinë e Parë. Mësohet se mbrojtësi i djathtë ka arritur marrëveshjen me Skënderbeun dhe pritet vetëm zyrtarizimi.
Idrizaj shihet si zëvendësues i Zguros, i cili u largua pak ditë më parë. Ndonëse është mbrojtës i djathtë, Idrizaj mund të luajë pa probleme edhe në krahun e majtë.
Futbollisti ka qenë pjesë e Skënderbeut edhe në të kaluarën, teksa ka luajtur me korçarët në sezonin 2016-2017.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
