Me vetëm Karim Benzeman si qendërsulmues , prioriteti i Real Madridit për merkaton e verës mbetet gjetja e një shoqëruesi për francezin , duke patur parasysh se nuk i mbeten edhe shumë vitë në futbollin e luajtur.
Momentalisht Carlo Ancelotti ka në dispozicion vetëm Alvaro Rodriguezin, fakt që ka vënë në lëvizje drejtuesit e ‘’ Galaktikëve ‘’ për tu përforcuar në këtë pozicion. I preferuari i italianit është Dusan Vlahovic por gjithashtu po mendohet edhe për Romelu Lukakun.
Serbi iu vetëofrua spanjollëve gjatë dimrit dhe vijon të jetë në fokusin e tyre për merkaton e verës.
Gjithsesi , objektivi i të ashtuquajturit ‘’ Bualli ‘’ lidhet me transferimin në ‘’ Santiago Bernabeu ‘’, fakt që e ka konfirmuar edhe agjenti i tij.
Huazimi tek Interi e ka kthyer mbrapa në kohë dhe 29 vjeçari është drejt rikuperimit të versionit më të mirë, i cili ka deklaruar se nuk e mendon rikthimin në ‘’ Stamford Bridge ‘’ për arsye të eksperiencës jo të mirë, e dyta për të tek ‘’ Blutë e Londrës ‘’.
Parashikohet se javët e ardhshme do të jenë determinante për të ardhmen e Romelu Lukakut, një lojtar të cilit i është rikthyer buzëqeshja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
