Krahu i djathtë i mbrojtjes ndër vite ka rezultuar një shqetësim tek Barcelona dhe në merkaton e dimrit pritet të bëhet maksimumi për ta mbyllur këtë kapitull.
‘’ Los Cules ‘’ asnjëherë nuk e kanë harruar Pedro Porron , i cili ka bërë paraqitje të shkëlqyera me Sporting Lisbonën, ekip me të cilin ka firmosur një kontratë deri në 30 qershorin e 2025-sës .
Megjithatë , vera e ardhshme ndoshta do të jetë fillimi i një aventure larg ‘’ Jose Alvalades ‘’ për spanjollin , mbrojtës që ka kontribuar me 5 asiste në 16 sfidat e deritanishme me gjigandët e Portugalisë.
Xavi Hernandez nuk është bindur me rendimentin e shfaqur nga Hector Bellerin dhe Sergi Robertos dhe në shumë raste është detyruar të aktivizojë Alejandro Balden por megjithatë duke ditur që nuk është pozicioni i tij , ish mesfushori i mirënjohur ia ka bërë të qartë drejtuesve se skuadra e zemrës ka nevojë për tu përmirësuar në këtë aspekt dhe merkatoja e ardhshme mendohet determinante për ‘’ Blaugranët ‘’, të cilët e filluan shumë keq sezonin dhe eleminimi nga faza e grupeve të Champions Leagues do të mbetet gjatë në memorien e çdo komponenti të këtij klubi .
Disfata të tilla sigurisht shërbejnë për të rritur cilësinë dhe për të evituar çdo kundrakohë në të ardhmen sepse Barcelona është e ndërtuar për të shkëlqyer në çdo kompeticion pjesëmarrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
