Një trajner egjiptian ka ndërruar jetë, vetëm pak sekonda pasi skuadra e tij shënoi gol. Bëhet fjalë për trajnerin e Al Majd, Adham Al Selhdar, në Kategorinë e Dytë në Egjipt.
Al Selhdar pësoi atak kardiak, pak çaste pasi skuadra e tij shënoi golin e vetëm të takimit ndaj Al Zarqa, në fund të takimit. Teksa lojtarët e Al Majd po festonin për golin e shënuar, pak sekonda më vonë Al Selhdar pësoi atak kardiak.
Menjëherë pas kësaj trajneri 53-vjeçar u transportua në spital, aty ku më pas u deklarua se kishte ndërruar jetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
