Zgjedhjet në Shoqatën Rajonale në Tiranë, kanë prodhuar menjëherë kontestime që në fillim. Sipas asaj që raporton gazetari i sportit, Edi Hajdini, kandidati Eduart Prodani është larguar nga asambleja, për shkaka se sipas tij numri i delegatëve ishte më i lartë, nga sa ishte parashikuar në fillim.
Në fillim pretendohej se ishin 41 delegatë që do të votonin, ndërsa në listat e ditës së sotme për të votuar ishin 67 delegatë.
Në prononcimin pas largimit nga asambleja, Prodani tha se ishte një manipulim në listën e delegatëve, ndërsa shtoi se çështjen do e ndjekë në institucionet shtetërore.
“Që në fillim disa nga përfaqësuesit ngritën kontestime, pasi numri i delegatëve ishte më i lartë. Prodani menjëherë pas kësaj dolën nga selia, ku u shprehën, numri i lartë i pjesëmarrësve, ishte shumë herë më i lartë nga sa ishte komunikuar në fillim.
Arsyeja e dytë sipas Pordanit ishte se asambleja nuk duhej zhvilluar nga ambientet e FSHF.
Forca të shumta të policisë private ishin prezentë ku bënë kontrolle të njëpasnjëshme.
Ata që shoqëruan Prodanin gjatë daljes, ishte një grup i vogël prej 5 vetash. Ende nuk e dimë se çfarë ndodh në ambientet ku zhvillohet asambleja.
Media nuk është lejuar të ndjekë nga afër votimet. Prodani në prononcimin e tij, tha se nuk do e lërë me kaq, por do e ndjekë në institucionet shtetërore. Sipas Prodanit, nuk mund të zhvillohej asambleja në të tilla kushte”, u shpreh Hajdini gjatë raportimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
