Këtë të diel, do të luhet derbi i kryeqytetit, mes Tiranës dhe Partizanit, sfidë kjo e cila do të transmetohet në ekranin e MCN TV.
Dy ekipet vazhdojnë përgatitjet, ndërsa trajnerët po bëjnë lëvizjet e fundit, sa i përket formacioneve.
Te Partizani ka dilema, për shkak të dëmtimeve, por lajme të mira vijnë për Abilaliajn nga infermieria, pasi disa lojtarë janë stërvitur me skuadrën.
Sa i përket formacionit, në portë do të luajë Qirko, ndërsa në krahët e mbrojtjes pritet të luajë Hadroji dhe Atanaskoski. Me shumë mundësi dyshja e qendrës do të jetë mes Sotës dhe Sembene.
Me skemën 4-3-3, në mesfushë priten, Maguette, Mehmeti dhe Rrapaj, ndërsa sulmi do të përbëhet nga Taipi në të djathtë, Cara në të majtë dhe Bintsouka në qendër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
