Sfida me Empolin, Pioli: Të jemi me këmbë në tokë, luajmë me më të mirët

Trajneri i Milanit, Stefano Pioli, foli në konferencë për shtyp, në prag të sfidës që skuadra e tij do të luajë me Empolin në kampionat.

Pioli u shpreh se pavarësisht fitores me Napolin, skuadra duhet të jetë me këmbë në tokë, ndërsa shtoi se në fushë do të zbresin lojtarët më të mirë që ka.

Duhet të qëndrojmë me këmbë në tokë dhe të mendojmë të bëjmë mirë në këto dy muaj të fundit të sezonit. Bëmë një fitore të rëndësishme në Napoli, por ajo duhet të na shërbejë për të luajtur në atë nivel gjithmonë.

Duhet të mendojmë vetëm për ndeshjen e nesërme. Nesër do të luajë formacioni më i mirë për mua. Në 12 ditët e ardhshme do të luajmë 4 ndeshje shumë të rëndësishme, do të bëj disa ndryshime.