Objektivi i Barcelonës për Memphis Depay tashmë është mëse i qartë, fakt që ende po prodhon risi për të ardhmen e hollandezit.
Pas Juventusit dhe Lyonit , Manchester United është hedhur në sulm për të rikthyer sulmuesin në ‘’ Old Trafford ‘’.
Negociatat me ‘’ Zonjën e Vjetër ‘’ thuajse janë të finalizuara dhe për ‘’ Djajtë e Kuq ‘’ është një avantazh për të ndryshuar performancën në metrat e fundit.
Sipas ‘ Marcas ‘ , ideja e anglezëve është oferta e 10 milionë eurove për Memphis Depay por duke patur parashysh situatën e rënduar të ‘’ Blaugranëve ‘’ në aspektin ekonomik, natyrisht arrihet në konkluzionin se nuk do të mjaftohen me këtë shifër.
Në merkaton e kaluar 28 vjeçari mbërriti gratis në mitikun ‘’ Camp Nou ‘’ dhe gjigandët e La Ligas pretendojnë të përfitojnë në maksimum për të ndryshuar sadopak aktualitetin pavarësisht se koha nuk premton shumë për arritjen e kësaj marrëveshje.
Sezoni nuk ka filluar ashtu siç duhet për 20 herë kampionët e Premier Leagues por është ende herët për të bërë një vlerësim më të detajuar për Erik Ten Hag , të cilin e favorizon në një farë mënyre e kaluara e mahnitshme me Ajax Amsterdamin , ekip të cilin e dërgoi deri në gjysëmfinalet e Champions Leagues dhe që asokohe ofertat nuk munguan asnjëherë për 52 vjeçarin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
