Parashikohet se Chelsea do të jetë një ndër ekipet protagoniste gjatë merkatove të ardhshme.
Potenciali i Todd Boehly-t i ka ndihmuar ‘’ Blutë e Londrës ‘’ për tu përforcuar ashtu siç duhet dhe në fakt objektivat me kalimin e kohës janë arrirë.
Mirëpo, kryeqytetasit gjithmonë kanë nevojë për përmirësim dhe Enzo Maresca ka filluar ti bëjë mirë llogaritë për vijimësinë.
Pablo Barrios i Atletico Madridit e ka impresionuar me lojën e zhvilluar dhe italiani e shikon pjesë të së ardhmes.
Pengesa në këtë histori mund të jetë fakti se spanjollit i përfundon kontrata me ‘’ Los Colchoneros ‘’ në 2030-tën, e shoqëruar me një klauzolë të konsiderueshme për prishjen e saj.
Gjithsesi, numri një i Chelseat e ka treguar se mund ti arrijë objektivat dhe ka përgatitur një ofertë prej 70 milionë eurosh për shërbimet e 22 vjeçarit.
S’duhet harruar as interesi i Bayern Munchenit për madrilenin, ç’ka e bën këtë garë edhe më interesante.
Traineri Diego Simeone i njeh mirë vlerat e Pablo Barrios dhe në vijimësi pritet reagimi i tij, pasi bëhet fjalë për një ndër peshat e rënda në 11-she.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
