I pyetur në lidhje me rihapjen e basteve sportive, presidenti i KOKSH, Fidel Ylli, u shpreh se do të ketë një takim me ministren e Financave, në lidhje me këtë temë.
Në emisionin “SportZone” në MCN TV, Ylli deklaroi se kryeministri Edi Rama ka bërë një premtim, që të ardhurat e basteve, do të shkojnë për sportin dhe nuk duhet të preken.
Të jem i sinqertë, kisha një bisedë me ministren e financave. Këto ditë do ulemi të diskutojmë, edhe për bastet. KOKSH, do jetë pjesë, kur të merren ato vendime. Do ulemi të diskutojmë, për ligjet eruopiane. Qeveria duhet të marrë mendimin e sportit, e ka marrë KOKSH këtë iniciativë. Qeveria duhet të ulet me aktorët e sportit, që të bëhet një ligj i mirë dhe të jetë transparent. Të dihet çfarë do bëhet me këto para.
Unë mendoj se kjo ka hyrë në rrugën e duhur. Nuk kam bërë takimin e dytë, që të jap një informacion. Ministrja prandaj më ka kërkuar, që të dijë mendimin e sportit. Kryeministri ka bërë një premtim, se paratë e basteve të mos llogariten, sepse do jenë të sportit.
KOKSH nuk ka buxhete. Ne punojmë me projekte. Prandaj i kërkojmë para që sportistët t’i kenë kushtet dhe presidenti i KOKSH, të rrijë në tribunë, jo të bëjë masazh për sportistët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
