Situata e vështirë e përjetuar nga Leroy Sane me Bayern Munchen është duke u shqyrtuar me detaje nga skuadra e Chelseat . Dëmtimet e shpeshta i kanë shkaktuar mospërfshirjen në formacionin titullar në disa raste gjermanit por për ti dhënë fund kësaj historie zhgënjyese kanë menduar londinëzet . Sipas ‘ Express ‘’ ka qenë vetë traineri Thomas Tuchel që ka komunikuar me presidentin Roman Abramovich për ti shprehur pëlqimin ndaj lojtarit polivalent me objektivin e transferimit të tij në ‘’ Stamford Bridge ‘’.
45 milionë eurot e paguara nga bavarezët para një viti nuk janë justifikuar aspak nga rendimenti i shfaqur nga 25 vjeçari dhe kampionët në fuqi të Champions Leagues nuk duan të humbasin kohë sepse pretendojnë ta kenë sa më shpejt të jetë e mundur pjesë të organikës .
Megjithatë pengesa e vetme për këtë operacion mendohet se do të jetë kontrata e Leroy Sane me Bayern Munchen e cila mbetet në fuqi deri në 30 qershorin e 2025-sës por nëse llogaritet e kaluara dilet lehtësisht në konkluzionin se Premier League është një kampionat ku Leroy Sane i ka përmbushur pritshmëritë për shkak të eksperiencës së shkëlqyer me ‘’ The Citiziens ‘’ .
Pavarësisht këtyre luhatjeve që janë normale në karrierën e çdo futbollisti drejtuesit e Bayern Munchen e kanë shprehur në disa raste se gjermani është një faktor determinant për mbarëvajtjen e skuadrës, por gjithçka do të varet nga ecuria e Leroy Sane në ndeshjet vijuese që konsiderohen shumë përcaktuese për të bindur trainerin Julian Nagelsmann .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
