Sulejman Starova, është një nga kandidatët për president në FSHF. Në emisionin “Skaner” në MCN TV, ai deklaroi se zgjedhjet e 2 marsit nuk rrezikohen.
Ai tha se ligji i FIFA-s dhe UEFA-s është para atij shqiptar për futbollin.
“Zgjedhjet më 2 mars sipas meje nuk rrezikohen fare. Jam hasur me këtë eksperiencë në të kaluarën. Ata që certifikojnë datën për zgjedhjet, janë FIFA dhe UEFA, ato që mbajnë gjallë futbollin. Pika e parë e statutit është respektimi i ligjit të FIFA dhe UEFA, pastaj pika e dytë, është që të respektojmë ligjin shqiptar. Rama i premtoi Ceferinit se nuk do të ketë ndërhyrje. Më 2 mars përgatitemi për luftë.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
