Me David De Gean drejt largimit nga ‘’ Old Trafford ‘’ Manchester United ka lëvizur me shpejtësi gurët për zëvëndësuesin e tij . ‘’ Djajtë e Kuq ‘’ e kanë përqëndruar vëmëndjen tek portieri i Aston Villas Tom Heaton . Ideja e Ole Gunnar Solskjaer është transferimi i një elementi të dorës së dytë për të evituar një lloj konkurrence në kuadratin e bardhë . Numri një i pankinës së anglezëve e ka bërë zgjedhjen e tij me Dean Henderson që konsiderohet një lojtar i paprekshëm nga norvegjezi .
Kërkimet e një portieri të denjë kanë filluar më përpara tek Manchester United me Sam Johnstone të West Bromwich Albion , operacion që rezultoi pa sukses sepse ky i fundit preferonte aktivizimin si titullar . Nëse rikthehemi pas në kohë 35 vjeçari u formua pikërisht tek 20 herë kampionët e Anglisë dhe kjo referencë është shumë e rëndësishme për këtë skuadër që me shumë gjasa do ta vlerësojë ashtu siç e meriton .
Me këtë tentativë tashmë traineri Ole Gunnar Solskajer i ka dhënë fund dhimbjeve të shpeshta të kokës në lidhje me konsolidimin e portës dhe nuk i mbetet gjë tjetër veçse të fokusohet tek gjysëmfinalja e kthimit kundër Romës vlefshme kjo për Europa Leaguen dhe në 5 ndeshjet e mbetura të Premier Leagues .
Të besuarit e 48 vjeçarit do të udhëtojnë për në ‘’ Olimpico ‘’ me rezultatin 6-2 në favor i cili i pozicionon me një këmbë larg finales së madhe të 26 majit që do të luhet në Gdnansk të Polonisë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
