Locatelli pëlqen Parisin

 Juventusi ka marrë një  goditje  të fortë pas humbjes së Serisë A .  ‘’ Zonja e Vjetër ‘’ prej kohësh ëndërronte të firmoste me mesfushorin e Sassuolos Manuel Locatelli po ky i fundit ka patur në tavolinë shumë oferta dhe e ka bërë zgjedhjen e tij  .    Në të kaluarën Manchester City dhe Barcelona  u interesuan për italianin i cili gjatë një interviste  për L’ Equipe deklaroi se në cilin ekip dëshiron të vijojë karrierën :

“ Jam i hapur për çdo  ofertë sepse e konsideroj një shans unik .  Parisi më pëlqen shumë sepse aty luajnë dy yje si Kylian Mbappe dhe Neymar Junior dhe për mua do të ishte një privilegj të luaja përkrah tyre . Parisi është një qytet fantastik dhe një ditë do të më pëlqente të transferohesha në ‘’ Parque De Prince ‘’ , theksoi  23  vjeçari .

Kontrata e italianit mbetet në fuqi   deri në  2023- shin dhe një ndër skuadrat e lartpërmendura nuk do ta kenë aspak problem blerjen e tij që sipas  Transfermarkt  arrin 35 milionë eurot . Kjo shifër është e papërfillshme në krahasim me kapitalin e tyre  por theksi i operacionit do të vihet tek negociatorët më të shkathët . Përballë këtij interesimi parashikohet se Manuel Locatelli nuk do të kthejë kokën pas sepse kërkon të bëhet pjesë e një ekipi të famshëm   .

  Deklarata e fundit e ka përforcuar  këtë ide që do ta ketë ditën finale gjatë merkatos :

“  Do ti jem gjithmonë mirënjohës Sassuolos që më mbështeti kur të gjithë dyshonin tek  aftësitë e mia .  Jam shumë i sigurtë për rrugën që do të ndjek  dhe  do të jap maksimumin për ta ndihmuar ekipin tim të ardhshëm për të arritur tek suksesi ‘’ , deklaroi  Manuel Locatelli që praktikisht i ka vënë vulën eksperiencës me Sassuolon .

Këtë sezon  lojtari i  skuadrës nga Reggio Emilia e ka kanalizuar potencialin e tij në 25 ndeshje dhe 3 gola por duke qenë se është një skuadër e mesit të tabelës  nuk i krijon komoditetin e nevojshëm për të rritur pretendimet   dhe transferimi në ‘’ Parque De Prince ‘’ do të ishte qershia mbi tortë për lojtarin që konsiderohet si referenti i ardhshëm i mesfushës së kombëtares ‘’ Azurre ‘’.