Derbi mes Evertonit dhe Liverpoolit i vlefshëm për raundin e 15-të të Premier League është shtyrë për një datë të pacaktuar, kjo për shkak të stuhisë Darragh që ka përfshirë një pjesë të Britanisë së Madhe.
Për shkak të erërave të forta dhe shiut që vijon prej orësh, u pa e udhës që dueli të shtyhej edhe pse i programuar për këtë të shtunë në orën 13:30; pasi 'Goddison Park' nuk ishte në kushtet e duhura.
Ndeshja u anulua pas një takimi midis të dy klubeve dhe përfaqësuesve nga Policia e Merseyside dhe Këshilli i Qytetit të Liverpool.
“Ndërsa ne vlerësojmë se kjo do të jetë thellësisht zhgënjyese për tifozët, siguria e tifozëve, stafit dhe lojtarëve është e një rëndësie të madhe”, thuhet në një deklaratë të Everton.
Liverpool tha se vendimi ishte "për shkak të rrezikut për sigurinë në zonën lokale".
Liverpool është shtatë pikë më shumë se Chelsea dhe Arsenal në krye të tabelës së Premierligës, me të dyja këto skuadra të vendosura të luajnë të dielën, respektivisht në Tottenham dhe Fulham.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
