Faza e dytë e sezonit ka filluar në mënyrën më të mirë të mundshme për Barcelonën , e cila vijon të liderojë në La Liga, fakt që tregon suksesin e Xavi Hernandezit në stol.
‘’ Los Cules ‘’ vijojnë me të njëjtin ritëm edhe në Europa League por i mbetet edhe një sfidë për të luajtur kundër Manchester United në ‘’ Old Trafford ‘’ , e vlefshme për Play- offin .
Gjithsesi ecuria e deritanishme e ka bindur Joan Laportan për t’ia rinovuar kontratën ish kampionit të Europës dhe të botës me ‘’ La Furia Rojan ‘’ , pavarësisht se problemet në aspektin ekonomik mbeten shqetësimi kryesor i drejtuesve .
Këtë objektiv e ka përforcuar edhe deklarata e drejtorit sportiv Mateu Alemany, i cili e ka lartësuar figurën e 43 vjeçarit , për të cilin është shprehur :
“ Askush nuk e imagjinon dot Barcelonën pa Xavin . Eshtë shumë i rëndësishëm për këtë klub dhe shpresoj që të qëndrojë ‘’ , ishin këto fjalët e 49 vjeçarit.
Pavarësisht se performanca e ‘’ Blaugranëve ‘’ në të gjitha kompeticionet pjesmarrëse përveç Champions Leagues po shkon siç duhet , mbetet akoma shumë kohë për të përfunduar sezoni dhe natyrisht gabimet në vijimësi konsiderohen të pafalshme , sidomos në përballjet me eleminim direkt në kompeticionin e dytë europian për nga rëndësia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
