Pas transferimit të Geogrinio Wijnaldum , Paris St Germain është i gatshëm t’i ‘’ vjedhë ‘’ një tjetër element Barcelonës . Kryeqytetasit prej vitesh tashmë ëndërrojnë të shëndërrohen në një skuadër elite dhe të konkretizojnë një dëshirë të vjetër e cila është fitimi i Champions Leagues . Këtë herë ‘’ Les Pariziens ‘’ kanë vlerësuar mundësinë e transferimit të mesfushorit Miralem Pjanic në ‘’ Parque De Prince ‘’ për arsye se mbetet një lojtar i preferuar nga skuadrat e njohura pavarësisht se nuk e ka gjetur lumturinë tek Barcelona . Aktivizimi i reduktuar tek spanjollët e ka kthyer në një makth qëndrimin e boshnjakut në ‘’ Camp Nou ‘’ dhe 31 vjeçari kërkon ti japë një tjetër ngjyrë karrierës me ndërrimin e destinacionit .
S’duhet harruar se për lojtarë të të tilla niveleve gjithmonë do të këtë pretendentë që presin mbrapa derës dhe në rastin konkret është Juventusi i cili kërkon ta rikthejë në ‘’ Allianz Stadium ‘’ . Kërkesa e Massimiliano Allegrit me siguri do të vlerësohet siç duhet nga Miralem Pjanic i cili në të kaluarën kaloi 4 sezone të shkëlqyera në Torino duke treguar se niveli i lojës nuk ka nevojë për koment .
Pavarësisht se kuq e blutë disponojnë një gjendje ekonomike shumë të favorshme , emri i Juventusit dhe e kaluara e mesfushorit tek ‘’ Zonja e Vjetër ‘’ janë një indikator që s’duhet anashkaluar sepse eksperienca me juventinët shënoi një evolucion të madh në karrierë .
Me 31 vite mbi supe mund të thuhet se e vetmja aventurë e ‘’ dështuar ‘’ në karrierë është ajo me Barcelonën të cilës do ti bëjë një favor të madh dhe gjithashtu do ti japë mundësinë për të rikuperuar gjendjen e vështirë në të cilën ndodhet .
30 ndeshje nuk kanë mjaftuar për të bindur Ronald Koeman dhe tashmë duhet të bëjë gati valixhet për ti dhënë lamtumirë Katalunjës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
