Sezoni i shkëlqyer i Milanit në Serinë A i ka dhënë një tjetër shans Stefano Piolit për të vazhduar me projektin e tij . Me punën intensive italiani ka arritur ti shëndërrojë kuqezinjtë në një ekip shumë kompetitiv që aspiron për gjëra të mëdha në të ardhmen . Sipas Tuttosport 18 herë kampionët e Scudettos nuk i kanë vënë kusht 55 vjeçarit hyrjen e Milanit në Champions League sepse të ndodhë çfarë të ndodhë në javën e fundit të kampionatit vendimi i tyre është i parevokueshëm .
Momentalisht Milani ruan me fanatizëm vendin e 3-të me 76 pikë të grumbulluara por është në fije të perit sepse e ndjek Napoli me të njëjtën sasi pikësh dhe Juventusi me një më pak . Kjo situatë thekson se kjo skuadër e ka vetë fatin në dorë dhe javën e fundit do të udhëtojë në një transfertë shumë të ndërlikuar ku do të masin forcat me Atalantën. Mbërritja e Stefano Piolit në stol u kritikua shumë për vetë faktin e drejtimit të kundërshtarëve historikë siç janë zikaltërit e Interit por iu desh vetëm pak kohë për të fituar besimin e drejtuesve dhe tifozerisë .
Sezoni aktual i ka rrëzqitur nga duart Milanit por megjithatë i mban të ndezur motorrët sepse nëse i buzëqesh fati në Bergamo do të mundohet të zgjerojë protagonizmin edhe në turneun e Champions Leagues që e ka ngritur 7 herë gjatë historisë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
