Dy sezonet në ‘’ Parque de Prince ‘’ të Willian Pachos po rikonfirmojnë se drejtuesit nuk gabuan me transferimin e tij në verën e 2024-tës.
Ekuadoriani e ka fituar besimin e Luis Enriques, i cili ka shfaqur një rendiment për tu admiruar në prapavijë dhe tashmë ‘’ Les Pariziens ‘’ po mendojnë t’ia rinovojnë kontratën.
Flitet deri në vitin 2030-të, e shoqëruar me një rritje page dhe kështu t’ia bëjnë të pamundur ofensivën pretendentëve.
Që prej transferimit nga Eintracht Frankfurti amerikano-jugori ka ditur të përshtatet shumë shpejt në 11-shen e formuar nga ‘’ Lucho ‘’, falë të cilit francezët kanë arritur një objektiv tejet të rëndësishëm në sezonin e kaluar pas fitimit të Champions Leagues.
Sipas disa burimeve drejtori sportiv i kuq e bluve Luis Campos po i lëviz me shpejtësi gurët për t’ia vënë pikën kësaj tentative, tejet deçizive për vijimësinë.
Arsyeja e parë është natyrisht mosha, duke qenë se 24 vite mbi supe të japin shumë siguri për avancimin e mëtejshëm, shtuar edhe faktin se Paris St Germain është kandidat potencial për fitimin e çdo titulli gjatë sezoneve.
Së dyti vlen të theksohen marrëdhëniet shumë të mira me drejtuesit të cilat besohet se do ta bëjnë edhe më të lehtë arritjen e këtij akordi dhe së treti objektivi është konsolidimi i ekipit, për ta përforcuar më tej në pozicionet ku do të jetë e arsyeshme.
Përveç fituesve në fuqi të kompeticionit më pretigjoz europian për klube William Pacho ka rezultuar një pikë referuese edhe tek Ekuadori i teknikut Sebastian Beccacece.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
