Drejtori i Teutës, Sulejman Starova në rolin e analistit në emisionin “Euro Zone” në MCN TV, ka thënë se Italia është e kompletuar në çdo drejtim. Ai u shpreh se Mancini ka bërë një skuadër shumë të mirë, të përqendruar te lojtarët e rinj.
“Mancini nuk ka ndryshuar gjë, pro ka ndërtuar skuadrën. Ishte në një moment, kur askush nuk e merrte Italinë. Trajnerët nuk kishin ambicie, për të marrë drejtimin e Italisë. Me Venturën kishte rënë pjaca. Zgjodhi gjithë talentet në Itali dhe i doli mirë. Krijoi skuadër që t’i rezistojë kohës. Lojtarë të rinj, të ndërthurur me eksperiencën. Kanë entuziazëm. Sot është ndeshja e 29 që nuk humbasin. I kanë ndihmuar edhe ndeshjet e grupit, të lehta, por rritën entuziazmin. Kur të dalin nga grupet, është një përballje, ku ose shkon lart ose ikën fare. Kanë lojtarë mbi mesataren. Janë të gjitha repartet të kompletuara.”- u shpreh Starova.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
