Mungesa e një akordi për qëndrimin në ‘ Etihad Stadium ‘ e ka shëndërruar mesfushorin Ilkay Gundogan një opsion për Atletico Madridin .
Drejtori teknik i ‘’ Los Colchoneros ‘’ Andrea Berta ka nisur ofensivën për transferimin e gjermanit pasi e përfundon kontratën në 2023-shin me ‘’ The Citiziens ‘’ dhe duket se do të largohet nga ishulli në kërkim të një eksperience të re .
31 vjeçari e ka pjekurinë e duhur për tu bërë pjesë e skemave të Diego Simeones i cili e njeh shumë mirë këtë pozicion për shkak se është aktivizuar në të kaluarën e tij dhe bardhekaltërit synojnë të mbushin arkat me largimin e gjermanit .
Me transferimin tek Manchester City , Ilkay Gundogan filloi të fitonte terren dhe me kalimin e kohës fitoi protagonizëm në cdo ndeshje duke u shëndërruar në element i domosdoshëm për Pep Guardiolan.
Kryeqytetasit janë përballë një mundësie e cila mund ti japë shumë shpejt rezultatet por fillimisht ky operacion duhet të marrë ‘ Ok ‘ e palëve të përfshira .
Ndërkohë që Manchester City-t nuk i mbetet për tu menduar shumë , për një lojtar që ka treguar vlerat në një ekip me kërkesë shumë të lartë llogarie tek i cili duhet të japësh gjithmonë maksimumin për fitimin e një vendi titullari , arritje krejtësisht e merituar nga ishi i Borussia Dortmundit .
47 gola dhe 33 asiste në 252 ndeshje përmbledhin eksperiencën e Ilkay Gundogan tek ‘’ Qytetarët ‘’ por ‘’ Wanda Metropolitano ‘’ mund të jetë streha e re e tij duke filluar nga sezoni i ardhshëm, tek një Atletico që synon gjithmonë t’ia vështirësojë punën rivalëve dhe të dalë faqebardhë në çdo kompeticion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
