Ishte kandidati i vetëm, Ceferin rizgjidhet në krye të UEFA-s

Aleksander Ceferin u rizgjodh sërish në krye të institucionit më të rëndësishëm të futbollit në Europë.

Ceferin u emërua në krye të UEFA-s dhe do të jetë president deri në vitin 2027, në fund të mandatit 4-vjeccar.

Në fjalën e tij pas rizgjedhjes, Ceferin ishte i ashpër me skuadrat që krijuan Superligën Europiane.

Kemi dy pikëpamje të kundërta për botën, cinizmi para moralit, egoizmi para solidaritetit. Lakmia vjen para dashamirësisë. Udhëheqësi i tyre thotë se si do ta shpëtojë futbollin, por në realitet është një ujk i maskuar si gjyshe që kërkon të gëlltisë gjithçka.

Ata vënë interesin e tyre përpara të tjerëve, ka gënjeshtra të turpshme përpara së vërtetës, karteli mbi demokracinë dhe meritokracinë, çmimet e aksioneve mbi meritat sportive, paratë mbi titujt. Nuk ka vend për kartelet në futbollin evropian. Interesi i të gjithëve duhet të jetë mbi interesat e tre klubeve, duhet të mbrojmë kampionatet kombëtare.