Zërat në kohët e fundit mbi të ardhmen e Enzo Fernandez tek Chelsea kanë marrë fund.
Argjentinasi do të vijojë eksperiencën me ‘’ Blutë e Londrës ‘’, i cili gjatë një interviste për ‘ ESPN ‘ pas sfides Crystal Palace Chelsea, e konfirmoi një gjë të tillë.
Fituesi i Botërorit me ‘’ Albicelestët ‘’ komentoi :
“ Do të qëndroj tek Chelsea. Ndihem mirë këtu dhe falenderoj shokët dhe trainerin për mbështetjen që më kanë dhënë.Nuk mendoj për asnjë skuadër tjetër përveç Chelseat ‘’, ishin këto fjalët e 23 vjeçarit.
Kontrata e ishi-t të Benfikës me kryeqytetasit skadon në 2031-shin dhe momentalisht nuk mendon për largimin, pavarësisht situatës së ndërlikuar të skuadrës së Mauricio Pochettinos.
Pas 24 sfidave në Premier League, Chelsea vijon i 10-ti, 12 pikë larg Europës, një fakt që nënkupton shumë vështirësi për arritjen e objektivave.
Ish fituesit e Champions Leagues i presin ndeshje të ndërlikuara, ndër të cilat spikasin ajo me Manchester City-n në ‘’ Etihad Stadium ‘’ në 17 shkurt, e vlefshme për kampionatin dhe me Liverpoolin në finalen e Carabao Cup në 25 shkurt.
Në sezonin aktual ishi i River Plates numëron 7 gola në 30 sfida dhe me deklaratën e dhënë e ka qetësuar bashkombasin e tij, i cili është një lojtar stabël në 11-she.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
