Gazetari i sportit, Edi Hajdini, ka thënë se sportistët shqiptarë, të cilët marrin pjesë në Lojërat Olimpike “Tokyo 2020”, kanë zhgënjyer, duke përjashtuar këtu peshëngritësin Briken Calja dhe gjimnastin Matvei Petrov, të cilët i shkuan shumë afër suksesit. Në edicionin e lajmeve në MCN TV, Hajdini tha se shpresat janë që atletja Luiza Gega të shkojë në finale, pasi për medalje, shkalla e vështirësisë është shumë e madhe.
“Shpresat më të mëdha kanë qenë te Calja dhe te Smajlaj, por përsëri nuk ia dolën të marrin medalje. Për sa i përket pjesës tjetër të sportistëve deri tani, për mendimin tim kanë zhgënjyer. Dy notarët janë me prespektivë, pavarësisht se nuk ia dolën të marrin rezultat të mirë.
Luiza Gega mbetet e fundit nga shqiptarët. Shpresat janë të mëdha, për të shkuar në finale, pasi për medalje është shumë e vështirë. Janë 4 atlete elitarë, që kanë bërë shumë mirë se Gega. Në baterinë e saj, Gega, duhet të renditet ndër3 të parat për të shkuar në finale.”, tha Hajdini.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
