Dëshira e madhe e Atletico Madridit për tu përmirësuar në këtë merkato vijon të intensifikohet ditë pas dite . Objektivi i rradhës për Cholo Simeonen është sulmuesi i Fiorentinës Dusan Vlahovic . Pavarësisht se ‘’ Vjollcët ‘’ shquhen si një skuadër që gjithmonë noton në ujërat e mesit të tabelës , serbi ka ditur të fitojë protagonizëm në skemat e Giuseppe Iachini-t . Megjithatë paraqitjet dinjitoze të 21 vjeçarit nuk kanë mjaftuar për Fiorentinën dhe tashmë është drejt hedhjes se një hapi galopant në karrierë .
Duke patur parasysh impaktin e Atleticos , drejtuesit e italianëve janë përgatitur në një farë mënyre dhe sipas prestigjozes Il Corriere Dello Sport i kanë bërë me dije ‘’ Los Colchoneros ‘’ se duhet ta mbyllin këtë çështje përpara datës 15 gusht për arsye se do ti duhet të fokusohen maksimalisht tek Seria A .
Drejtuesit nga Firence janë të qartë në pretendimet e tyre dhe nuk e kanë ndërmend ta lënë të lirë perlën e repartit të avancuar për më pak se 70 milionë euro . Me të marrë vesh peticionin e tyre , kryeqytetasit kanë filluar të fërkojnë duart por për arritjen me sukses të këtij operacioni duhet ti japin dritën jeshile lojtarëve që nuk kanë bindur .
Por në këtë histori as Atletico nuk mund të anashkalohet sepse mesfushori Saul Niguez është drejt largimit nga ‘’ Wanda Metropolitano ‘’ për arsye se nuk e kënaqur trainerin argjentinas pavarësisht suksesit historik të ‘’ Los Rojiblancos “ . Kërkesa e Fiorentinës thekson një sfidë shumë të ndërlikuar për kampionët në fuqi të La Ligas të cilëve i mbetet edhe pak kohë në dispozicion për të arritur objektivin .
Situata e Atleticos e favorizon largimin e Dusan Vlahovic nga ‘’ Artemio Franchi ‘’ për arsye se mbetet një kockë e fortë në çdo kompeticion pjesëmarrës dhe ndoshta fakti i fitimit të Primera Division dhe aktivizimi në Champions League do të jetë një motiv më tepër për shtatlartin nga Beogradi për të ndërruar shumë shpejt destinacion . Statistika prej 21 golash në 40 ndeshje evidenton se përfshirja në organikë e një lojtari me të tilla cilësi e lehtëson rrugën për përsëritjen e suksesit në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
