Unay Emeri bëhet traineri i dytë që i ka dhënë një përgjigje negative Newcastle United . Pas Zinedine Zidane , spanjolli është treguar shumë besnik dhe profesionist ndaj Villarealit , skuadër me të cilën kërkon të vijojë proçesin drejt sukseseve të mëtejshme .
Arritja e sezonit të kaluar me fitimin e Europa Leagues ku ‘’ Nëndetësja e Verdhë ‘’ mposhti Manchester United nga pika e 11- metërshave e ka lartësuar emrin e 50 vjeçarit duke e shëndërruar në një ikonë tek ekipi nga Castellon .
Pavarësisht se oferta e sheikut Bin Salman ishte tunduese, sipas ‘’ BBC ‘’ numri një i stolit të Villareal e ka refuzuar sepse natyrisht kërkon të akumulojë trofe të tjerë me spanjollët.
Përgjigjja e tij shkon njëkohësisht në adresë të sheikut të bardhezinvje duke i lënë për të kuptuar se jo çdo gjë zgjidhet me para sepse në rastin e tij mbizotëron një projekt solid që mund të garantojë sukseset e mëtejshme .
Kur mendohej se ishi i Arsenalit do ti jepte shumë shpejt lamtumirën ‘’ La Ceramicas ‘’ , fati i ka buzëqeshur përsëri Villarealit dhe me të pankinë gjenerohen automatikisht shpresat për përsëritjen e sezonin të kaluar.
Pavarësisht se si do të shkojë rrugëtimi i Unay Emery-s tek Villareal në vijimësi, do të mbahet mend gjatë për trofeun e fituar i cili bëri krenare mbarë tifozerinë e zjarrtë dhe drejtuesit .
Mentalitetin fitues ky trainer po mundohet ta shpalosë edhe në Uefa Champions League , turne ku të besuarve të tij i mbeten edhe dy ndeshje delikate kundër Manchesterit në shtëpi dhe Atalantës në transfertë që do të tregojnë forcën e karakterit të Villarealit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
