Duke qenë se kanë mbetur shumë pak kohë për tu hapur merkatoja e janarit , Atletico Madridi po vijon të këmbngulë për të përmirësuar skuadrën dhe Diego Simeone nuk e ka harruar një objektiv të vjetër .
Mesfushori Pablo Sarabia është duke përjetuar një eksperiencë shumë pozitive tek Sporting Lisbona dhe kryeqytetasit e kanë përfshirë në objektivat e merkatos e cila pritet të jetë e paparashikuar dhe shumë interesante deri në fund .
16 ndeshjet e deritanishme me kampionët në fuqi të Portugalisë janë shoqëruar me 3 gola dhe 4 asiste për spanjollin pa harruar kontributin e çmuar për shokët e skuadrës të cilët kanë arritur të finalizojnë me lehtësi.
Kartoni i 29 vjeçarit i përket Paris St Germain dhe ‘’ Los Rojiblancos ‘’ i duhet të ulen për të negociouar me gjigandët e Francës për një lojtar që mund ti vijë në ndihmë skemave të ‘’ El Cholos ‘’ në pjesën e dytë të sezonit sepse do ti duhet të ruajë protagonizmin e arritur në La Liga me fitimin e saj dhe arritjes sa më larg në Champions League .
Kontrata me parizienët përfundon në 30 qershorin e 2024-tës dhe e detyron Atleticon të bëjë një ofertë potente për shërbimet e ishi-t të Sevillas i cili momentalisht po shijon një ndër momentet më të bukur të karrierës tek një skuadër që meriton respekt si në Portugali ashtu edhe në Europë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
