Trajneri i Tiranës, Julian Ahmataj, duke folu për MCN TV, deklaroi se është i kënauqr me paraqitjen e skuadrës ndaj Erzenit, ndonëse barazuan 1-1.
Sipas tij, portieri i Erzenit ishte lojtari i ndeshjes, për shkak të pritjeve.
Keqardhje, sepse nga fillimi e kishim ndeshjen në kontroll. E rritëm lojën në sulm në pjesën e dytë, por nuk shkuam te goli, diçka që e bëri kundërshtari dhe më pas shënuam. Jam shumë i kënaqur me atë që tregoi skuadra në fushë.
Specifike është që kur Erzeni luan shumë poshtë, atje ka mbrojtësa me staturë që e bëjnë të vështirë lojën dhe bëhen të rrezikshëm. Kemi pasur mundësitë më të mirë. Portieri i tyre, është lojtari i ndeshjes sot. Kjo është pak psikologjike.
Meta ka bërë shumë ndeshje dhe është lojtar i ri, nuk i përballon dot kaq shumë. Ka shfaqur shenja lodhje. Patrick vjen nga një dëmtim shumë i gjatë dhe nuk mund të marrë më shumë se 60 minuta. Mendoj se do na ndihmojë më shumë kur të jenë ndeshjet decizive.
Jaku sot ishte te U-19 dhe ishte i pranishëm në pankinë. Zëvendësimi i Najdovskit ishte i detyruar dhe nuk dha mundësi për Jakun.
Situata ka qenë e njëjta para 2-3 muajsh dhe ne krijuam shkëputjen. Tani është krijuar një ngjeshje, dhe duhet të jemi të përqendruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
