Objektivat shumë herë i kanë detyruar ekipet me emër të rikthehen tek interesi për lojtarët e njohur .
Si shumë raste të tjera , edhe Atletico Madridi po insiston për të transferuar Lautaro Martinezin në ‘’ Wanda Metropolitano ‘’ pasi Diego Simeone e ka ndjekur që në periudhën kur bënte pjesë tek Racing Avellaneda në kampionatin argjentinas.
Largimet e mundshme të Luis Suarezit apo Joao Felix detyrojnë drejtuesit e ‘’ Los Colchoneros ‘’ të mos humbasin kohë dhe të japin maksimumin për një zëvëndësues që do të mund ti bëjë mirë detyrat që i caktohen nga ‘’ El Cholo “ .
Kontrata e 24 vjeçarit mbetet e vlefshme deri në 30 qershorin e 2026-tës por akoma nuk e ka të garantuar qëndrimin në ‘’ Giusseppe Meazza ‘’ dhe duke iu referuar këtij fakti , kryeqytetasit duan ti japin kënaqësinë e të provuarit të La Ligas, ndër pesë kampionatet më të famshëm të Europës .
Sigurisht nëse uruguajani dhe portugezi do ti japin lamtumirën madrilenëve , mungesa e tyre do të ndihej por duke qenë se kjo skuadër kërkon përmirësimin e vazhdueshëm, ndërhyrja e menjëhershme konsiderohet e domosdoshme.
Të qënit kompetitive për shumë sezone me rradhë e lartëson figurën e Diego Simeones i cili me strategjitë e tij ka gëzuar mijëra tifozë të Atleticos dhe njëkohësisht ka fituar respektin e çdo komponenti të klubit dhe me meritë është shëndërruar në trainerin më të mirë në historinë e kësaj skuadre.
Një tjetër avantazh për ‘’ Los Rojiblancos ‘’ është aspekti ekonomik i zikaltërve të cilët e vlerësojnë me rreth 70 milionë euro kartonin e Lautaro Martinezit dhe shitjet e Luis Suazrezit dhe Joao Felix mund ti japin përparësi transferimit të yllit të Interit në La Liga , një kampionat shumë tundues për lojtarët e njohur .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
