Erling Haaland pritet të largohet nga Borussia Dortmund në fund të sezonit dhe interesimet për të nuk mungojnë. Real Madrid e ndjek prej kohësh, por e ardhmja e norvegjezit pritet të jetë te PSG.
Sipas raportimeve të fundit, thuhet se drejtori i PSG, Leonardo ka nisur bisedimet me agjentin e Haaland, Mino Raiola.
Parisi me shumë mundësi në fund të sezonit do të humbasë Kylian Mbappe, i cili pritet të kalojë te Reali dhe për këtë arsye, francezët po mendojnë të marrin në skuadër një tjetër talent siç është Haaland.
Në kontratën e sulmuesit norvegjez ekziston një klauzolë prej 75 milionë eurosh, që e lë të lirë Haalandin dhe PSG është e gatshme të paguajë këtë shifër për ta marrë në skuadër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
