Largimet e Raphael Varanes dhe Sergio Ramos i kanë lënë në dispozicion Carlo Ancelottit vetëm katër mbrojtës , shifër jo e mjaftueshme për të përballuar sezonin . Për këtë arsye traineri italian ka nisur lëvizjet dhe ndër të pëlqyerit është Antonio Rudiger.
Gjermani ishte një ndër pikat referuese tek londinezët gjatë sezonit të kaluar në të cilin fituan për të dytën herë në histori trofeun e Champions Leagues në një finale tipike angleze kundër Manchester City-t.
Megjithatë dëshira e ishi-t të Milanit për transferimin e 28 vjeçarit në ‘’ Santiago Bernabeu ‘’ do të jetë shumë e vështirë për tu realizuar sepse Antonio Rudiger është në negociata e sipër me drejtuesit e ‘’ Bluve të Londrës ‘’ për zgjatjen e kontratës e cila finalizon në 30 qershorin e 2022-shit . Megjithatë fakti se palët akoma nuk kanë arritur në një fund të lumtur i mban me shpresa ‘’ Los Blancos ‘’ për arritjen e qëllimit .
Puna e shkëlqyer nën drejtimin e Thomas Tuchel ia ka ngritur shumë vlerat Antonio Rudiger dhe Real Madridi e konsideron një opsion të vlefshëm përpara vështirësisë për të firmosur me objektivat kryesorë si Jules Kounde dhe Pau Torres .
34 ndeshjet me Chelsean dhanë për të kuptuar rëndësinë e lojtarit të lindur në Berlin në skemat e bashkombasit të tij dhe duke iu referuar sukseseve të arritura në ditët vijuese pritet përgjigjja e drejtuesve të 6 herë kampionëve të Premier Leagues në lidhje me të ardhmen e pilarit të repartit mbrojtës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
