Ish-futbollisti, Ermal Tahiri, vlerësoi punën e trajnerit Silvinjo te Shqipëria. Në emisionin “Skaner” në MCN TV, Tahiri deklaroi se Silvinjo bëri që skuadra të marrë formën e tij.
Sipas tij, Shqipëria nuk duhet të ndalë me kualifikimin, por duhet të fitojmë edhe me Ishujt Faroe.
Skuadra mori formën e trajnerit që kishte besim se ky ekip do shkonte atje ku donte. Trajneri e tha që në fillim se ka ardhur vetëm për kualifikimin. Silvinjo, si njeri punëtor dhe me vizion e teknikë-taktikë, e çoi te skuadra dhe ju përgjigj. Mori formën e punëtorit që shkon në mëngjes dhe ikën në darkë.
Kjo skuadër, nga të gjitha statistikat ka thyer çdo rekord, në histori të Shqipërisë. Lojtarët janë në moshë të re dhe mund t’i kemi për të ardhmen. Shumë ekipe europiane nuk e kanë këtë grup që kemi ne. Trajneri e pa çfarë lojtarësh kemi dhe i futi në punë.
Ne nuk duhet të ndalemi me kualifikimin, por duhet të fitojmë nesër, për të treguar se e kemi merituar. Të marrim sa më shumë pikë në grup. Nuk e diskutoj që do fitojmë me Ishujt Faroe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
