Napoli luan një sfidë të rëndësishme ditën e nesërme me Barcelonën në Europa League. Pas ndeshjes së parë në Spanjë, që u mbyll në barazim 1-1, tashmë italianët do të kërkojnë fitore për të vazhduar më tej.
Në prag të kësaj sfide, para mediave ka folur trajneri i të kaltërve, Luciano Spalletti. Ky i fundit u shpreh se Napoli dëshiron të bëjë të lumtur tifozët me një rezultat pozitiv.
“Është gjithmonë një perspektivë e mirë, skuadra ka një mentalitet korrekt dhe një vullnet për të bërë të lumtur tifozët e saj. Nesër do të ketë shumë tifozë kundër Barcelonës, për ne është një forcë e madhe.
Pastaj ne do të kemi si tifozë atë, Maradonën. Ai do të bëj tifo nga lartë për ne dhe ne do të bëjmë maksimumin ta krenojmë.
Ne nuk e kemi Maradonën në ekip, por kemi 11 lojtarë të cilët formojnë një ekip vërtet të fortë”, u shpreh Spalletti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
