Tek Manchester City ka filluar të punohet fuqimisht në lidhje me merkaton e verës.
Traineri Pep Guardiola do të mundohet të bëjë zgjedhjet më të mira, për ti rikthyer ‘’ Qytetarët ‘’ aty ku e meritojnë sa më shpejt.
Katalanasi është pa dyshim një ndër më të mirët në këtë profesion, i cili po punon me shumë përkushtim për të gjetur zëvëndësuesin e Kevin De Bruyne.
Belgu në kohët e fundit ka marrë disa oferta, kryesisht nga Arabia Saudite dhe kur flitet për këtë ligë, dihet që janë tejet tunduese.
Ishi i Barcelonës ka vepruar shpejt, i cili është impresionuar nga Florian Wirtz i Bayer Leverkusenit.
Sipas tabloidit ‘ The Mirror ‘, oferta e Khaldoon Al Mubarak i arrin 117 milionë eurot për yllin e ‘’ Aspirinave ‘’.
Edhe pse në aspektin kolektiv skuadra e Xabi Alonsos ka patur një rënie të theksuar rendimenti, paraqitjet e 21 vjeçarit ia kanë përforcuar idenë numrit një të stolit bardhekaltër se është i duhuri për të ardhmen e mesfushës.
15 gola dhe 13 asiste në 39 sfida është kontributi i Florian Wirtz me kampionët në fuqi të Bundesligës dhe drejtori sportiv i britanikëve Hugo Viana bashkë me Txiki Begiristain po punojnë për ta transferuar në ‘’ Etihad ‘’.
E ardhmja e Manchester City-t do të varet kryesisht nga blerjet gjatë merkatos së verës, të cilat do të mbështeten pa diskutim nga Khaldoon Al Mubarak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
