Situata e ndërlikuar e Fabian Ruiz tek Paris St Germain nuk e ka shmangur vëmëndjen e ekipeve cilësore për mesfushorin .
Në La Liga do të luhet një sfidë tejet emocionuese ndërmjet tre pretendentëve dhe drejtuesit e kryeqytetasve kanë deklaruar se do të tentojnë të rikuperojnë sa të jetë e mundur nga 23 milionë eurot e shpenzuara për spanjollin.
Barcelona , Real Betisi dhe Atletico Madridi mendojnë ndryshe nga Christophe Galtier dhe ja kanë hapur dyert për tu rikthyer aty ku filloi të spikasë.
Për sa i përket ‘’ Blaugranëve ‘’ , numri një i stolit Xavi Hernandez beson se me aftësitë e tij , 26 vjeçari do t’ia shtojë cilësinë këtij reparti pasi gjithashtu është një lojtar polivalent .
Ndërsa andaluzët asnjëherë nuk e kanë harruar kontributin e dhënë në të kaluarën dhe për Manuel Pellegrinin do të ishte një privilegj rikthimi i Fabian Ruiz në ‘’ Benito Villamarin ‘’, sidomos nëse andaluzët do të kualifikohen për në Champions League.
E njëjta gjë vlen edhe për Atletico Madridin , ekip që nuk e ka filluar ashtu siç duhet sezonin dhe mori një goditje të fortë me eleminimin nga grupet nga turneu më prestigjoz europian , episod që ka shkaktuar dyshime për të ardhmen e disa komponentëve të rëndësishëm të ‘’ Los Colchoneros ‘’ , ndër të cilët përfshihen edhe Rodrigo De Paul , Tomas Lemar por edhe Diego Simeone.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
