Atletico ‘’ jo ‘’ Manchester United për Trippier

Këmbngulja e madhe e Manchester United për të përfituar shërbimet e Kieran Tripper  ka marrë goditjen e parë nga   Atletico Madridi . Ashtu siç parashikohej  , sipas As   “ Los Colchoneros ‘’ e kanë refuzuar largimin e  anglezit nga ‘’ Wanda Metropolitano ‘’ për aryse se oferta e bërë  nuk ka rezultuar në lartësinë e pretendimeve të kryeqytetasve . Eksperienca për të në Spanjë  është shoqëruar nga një hap historik nga të besuarit e Diego Simeones të cilët pas 6 sezonesh mposhtën më në fund dominimin e Real Madridit dhe Barcelonës. 

Duke qenë se jemi në prag të fillimit të Europianit Kieran Trippier ka preferuar të rezervohet për arsyen e të mos humburit të përqëndrimit në funksion të një evenmienti  ku Anglia konsiderohet një favorit  potent për tu shpallur kampion .  Pavarësisht se Ole Gunnar Solskajer e ka të mirëmbuluar pozicionin e krahut të djathtë me Wan Bissaka  , norvegjezi konsideron  se kalimi i mundshëm i  britanikut në ‘’ Old Trafford ‘’ do ta linte të qetë gjatë sezonit të ri të cilin Manchester United do ta  startojë me shpresa të rinovuara .

 Anësori i lindur në Bury nuk e anashkalon faktin se në të ardhmen mund të bëhet pjesë e ‘’ Pallatit të Endërrave ‘’  por 20 herë kampionët e Premier Leagues do ta kenë shumë të vështirë të bindin  drejtuesit e  ‘’ Los Rojiblancos ‘’ për të hequr dorë nga një komponent shumë i rëndësishëm  sepse do të prishnin harmoninë brenda tyre dhe do t’i jepnin shansin e përforcimit  një kundërshtari shumë të fortë në Uefa Champions League .  

Për më tepër Manchester United ka marrë  mësim nga sezoni i kaluar   sepse dështoi në finalen e Uefa Europa League duke mbetur me duar bosh në aspektin e titujve  dhe kërkon të rikuperojë terrenin e humbur   por siç duket objektivat s’do të jenë të lehtë për tu realizuar sidomos kur flitet për lojtarë kyç në ekipet e kësaj kategorie. Kështu që shansi për rikthimin në kampionatin që i dha famë është  reduktuar ndjeshëm me përgjigjen kategorike të  madrilenëve,  por Manchester United vijon ti mbajë të ndezura shpresat se kjo histori mund të pësojë ndryshime  gjatë javëve të ardhshme .