Prej 9 muajsh tashmë lufta mes Hamas dhe Izraelit ka shkaktuar dhjetëra mijëra viktima në Rripin e Gazës dhe nga sulmet më të fundit të ushtrisë izraelite, nuk ka shpëtuar pa u prekur aspo bota e futbollit, teksa mes viktimave të bombardimeve është edhe një futbollist së bashku me gruan dhe fëmijët e tij.
Njoftimi erdhi përmes kanaleve zyrtare të Federatës Palestineze të Futbollit, njoftoi se Futbollisti 28-vjeçar i Al Jazira, Ahmad Abu Al-Atta së bashku me familjen e tij mbetën të vrarë pas një sulmi ajror të izraelitëve, teksa ndodhej në shtëpinë e tij.
Abu al-Atta ishte futbollisti i tretë i Al-Ahli Gazës që u vra nga bombardimet izraelite në rrjedhën e luftës gjenocidale të vazhdueshme të Izraelit në Gaza që nga 7 tetori, e cila rezultoi në vrasjen e të paktën 37,551 njerëzve dhe plagosjen e 85,911 të tjerëve.
Ai ka shënuar 8 gola në karrierën e tij 10-vjeçare, gjatë së cilës, ai u zhvendos në mesin e klubeve më të mira në Gaza, duke festuar një sërë titujsh të mëdhenj, duke përfshirë Ligën Premier të Gazës.
Ndërkaq, kujtojmë se më herët në karrierën e tij, sulmuesi 28-vjeçar ka qenë pjesë e Al-Nassr, skuadër në të cilën sot luan një emër si Cristiano Ronaldo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
