Nedim Bajrami mund të vazhdojë karrierën e tij në Gjermani, në Bundesligë. Sipas asaj që raporton eksperti i merkatos në Itali, Nicolo Schira fantazisti shqiptar ndiqet nga klube të Bundesligës.
Emrat e klubeve ende nuk janë bërë të ditura, por nuk përjashtohet mundësia që në merkaton e janarit ose atë të verës, futbollisti të ndryshojë ekip.
Ndryshe nga sezoni i kaluar, kur ishte një titullar i padiskutueshëm te Empoli në Serie B, këtë sezon Bajrami po has vështirësi me trajnerin e ri, i cili shpesh e ka aktivizuar nga stoli.
Këtë edicion me Empolin, 22-vjeçari në 11 ndeshje ku është aktivizuar, ka shënuar 3 gola dhe ka dhënë 2 asiste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
